Dumaan ang Halloween Season pero hindi ako nakapagconcentrrate sa pagbu-beauty rest dahil lagi kong naiisip ang bahay kong naging haunted. Pink pa naman yun, baka pagbalik sa akin nun kulay agiw na. Oh well… Hanggang ngayon malungkot pa din ako. OA na kung OA. Ni hindi ako makapagikot sa blogroll ko dahil baka masalamin nila ang lungkot, pait, hapdi at hirap ng aking kalagayan galore. Ayokong kaawaan ako… Ayoko ng masikip… Ayoko ng madumi… *pansamantalang sumanib si Maricel Soraiano*

Pero kailangan magpatuloy, mapanis man ang bahay ko hindi ko hahayaang mapanis ang kadivahan ko. Kaya gagawin kong makabuluhan ang entry na ito, sa pamamagitan ng pagsagot sa… TAG.

Tinag ako ni Malen at Kath. Salamat sa toolbar ni Mareng Jeangr3y na may kasamang RSS feeds ng mga blog nila at nasightsiva ko na may tagarloo ako.

Unahin ko muna ang tag ni Mareng Malen My Angel.

Napapanahon para sa akin ang tag na ito, lalo na minsan at pakiramdam ko nababawasan ang 3fans ko tamang-tamang maalala itong mga nilalang na nakapag-inspire sa’kin para magblog/sumulat at maging bahagi ng sanblogospheran. Gusto ko silang pasalamatan pero hindi daw pwede baka mademanda ako, echos!

1. A DIVA LIKE ME~ Matagal ng na tumigil mag-blog itong kumara kong ito dahil sa hindi na kinakaya ng diva powers niya na imported ang mag-blog pa! Ganun siya kangarag. Una siya sa listahan ko kasi siya naman talaga ang major influence kung bakit ako isinilang sa sanblogospheran. Idol ko ‘to pagdating sa randomness at pagiging spontaneous sa pagsusulat. Sobra kong pinasasalamatan ang lakas ng loob at kumpiyansang naibahagi niya sa’kin. Blogging could do shit to your confidence sometimes, pero iniisip ko na lang ang unang komentong natanggap ko sa kanya sa unang entry ko noon:

“jie, you know that im one of your most loyal fans. dont worry, kahit sobrang drama mo nga minsan natatawa na ko.if they find this boring and they're reading your blog in their own volition, they're dummies.”

2. MY FAVORITE CRITIC~ Taas ang kamay ko sa babaeng ito, kahit paa ko itataas ko na din. Kung meron man akong pang-ookray na tatanggapin ko ng buong puso, kaluluwa, atay at balun-balunan, dito na sa taong ito. Masaya akong nakumbinsi ko siyang mag-blog kahit hindi na siya madalas makapag-update, kasi alam kong writing is her passion. Jebs lang ako kung ikukumpara sa talent niya sa pagsusulat. Hindi ko makakalimutan yung mga oras na feeling ko puro crap lang ang kaya kong isulat saka naman siya babanat:

“Ok ‘tong sinulat mo a! May potential… Tuloy mo lang.”

Sino naman ako para hindi maniwala lalo na sa kagaya niyang may tunay na talent.

3. MY ULTIMATE FAN~ Aminado siyang walang talent sa writing, pero para sa’kin MERON. Isa lang ang blog entry na nagawa niya sa tanang buhay niya at tungkol pa yun sa frustrations niya. Hindi siya aware na may potential din siya samahan lang ng konting interes. Number 1 fan ko siya kahit hindi ko pagbantaan at suhulan.

4. MS. SIMPLICITY~ Hindi na mawawala sa blogroll ko itong sis kong ito. Galing akong friendster blog na naglipat sa blogger at sobrang nangangapa kung may kalulugaran ba ako sa blogworld noong mga panahong napadaan ako sa bahay ng lukaret na ito. Hindi ko mapigilang mahawa sa bawat halakhak niya. Napaka-simple at totoo at hindi nagdalawang isip na i-welcome ako ang tanggapin ang ino-offer kong friendship. Lumipat akong WP sinamahan niya ako, ngayong nagpipilit akong maging dot com andito pa din siya. Sapat na ang kagaya niya para masabi kong may stalker ako, charing! Lab ko ‘tong lukaret na’to.

5. MY FOLLOWER-SLASH-AMIGA~ I am so proud sa laki ng improvement niya mula ng mag-start siyang mag-blog. Hindi lang siya aware na may talent siya, most of the times kasi nawawalan siya ng pananampalataya sa sarili niya. Ang gusto ko sa taong ito nakikinig. Naiinspire ako mag-blog ng mag-blog dahil sa consistent niyang pagtatanong kung may bago ba akong entry. Nakakataba ng puso na may nag-aabang ng itatalak ko may kapararakan man o wala.

6. MY FAIRYGOD BLOGERA~ Dito ako magpapa-autograph! Idol ko talaga etong si ate. Kahit kalian hindi ito pumapalyang patawanin, pangitiin at kilitiin ako. Gusto ko ang paraan niya kumunekta sa readers niya, parang nagtatalakan lang sa bahay pag walang magandang palabas sa TV. Sa kanya bagay ang title na “Elite”. Winelcome niya din ako dito sa blogosphere na parang matagal na akong blogger. Eto secret lang ha, pero share ko na’din. Muntik nakong majingle nung tawagin niya akong ‘nak’.

7. KADUGO, KADUGO, KA-APPENDIX AT KAKULAY~ Lab na lab ko itong babaeng ito. Bukod sa super lerky na blogera kagaya ko. She never fails to brighten my days lalo na sa mga hirit nito. A loyal reader ang a friend at the same time. Siya ang isa sa magandang bunga ng pagba-blog ko. I never imagined at one point in time makakakilala ako ng gaya niya. Pag nag iba ako ng sexual preference siya talaga ang liligawan ko, echos!!!

Dadating ang oras na mairereveal ko din ang mga katauhan ng pitong yan, para naman alam nila na nainspire, naiinspire at patuloy nila akong iniinspire.

Para naman sa tagarloo ni kafatid na Kath. Type ko itong namesung chovarloo na tag na ito kaya simulan ko na.

• YOUR ROCK STAR NAME: (first pet & current car) PUPPY WIT [pwede… lol! Nga pala wit means wala]
• YOUR GANGSTA NAME: (fave ice cream flavor, favorite cookie) ROCKY ROAD OREO [astttiiigggg!!!!]
• YOUR “FLY Guy/Girl” NAME: (first initial of first name, first three letters of your last name) MREG [ano itech?!]
• YOUR DETECTIVE NAME: (favorite color, favorite animal) PURPLE DOG [kikay! Lol!]
• YOUR SOAP OPERA NAME: (middle name, city where you were born) DIONGCO NAGCARLAN [amp! Tunog katulong sa soap opera e!]
• YOUR STAR WARS NAME: (the first 3 letters of your last name, first 2 letters of your first) REGMA [pwede na!]
• SUPERHERO NAME (”The” + 2nd favorite color, favorite drink) THE PINK COKE [wahahaha! Tagapagtanggol ng mga adik sa sopisdrink]
• NASCAR NAME: (the first names of your grandfathers) LUCIANO RUFINO [anluma!]
• STRIPPER NAME: (the name of your favorite perfume/cologne/scent, favorite candy) ESCADA STORK [parang kalye. Lol!]
• WITNESS PROTECTION NAME: (mother’s & father’s middle names) REYNOSO LORIA [
• TV WEATHER ANCHOR NAME: (Your 5th grade teacher’s last name, a major city that starts with the same letter) LOYOLA LEGAZPI [uuuyyy.. legazpi]
• SPY NAME/BOND GIRL: (your favorite season/holiday, flowers) HOLY WEEK ROSE [nyak!}
• CARTOON NAME: (favorite fruit, article of clothing you’re wearing right now + “ie” or “y”) APPLE UNIFORMIE [lol! Coling coling Disney!]
• HIPPY NAME: (What you ate for breakfast, your favorite tree) COFFEE WIT
• YOUR ROCKSTAR ENTOURAGE NAME: (”The” + Your fave hobby/craft, fave weather element + “Tour”) THE CHISMAX SUMMER TOUR [wtf?! Lol!]
• YOUR PORN NAME: (First Pet + Name of street you grew up on) PUPPY IPIL [sira ang career! Lol]

Nakakalerky! At least may nagawa naman akong makabluhan kesa magnguyngoy. Wala akong itatag, bahagi pa din ng pagrerebelde ko.

Kung meron man akong good qualities bilang tao at may magpapa-numerate sa akin nun [sana wala] hindi ninyo makikita sa listahan ko ang "mabuting kaibigan". Hindi dahil sa demonyita ako at bruha ha, hindi ko lang mai-qualify ang sarili ko as "good friend" [at ininglet pa!]. Hindi ko kasi alam kung ano ba ang qualifications o may qualifications nga ba para masabi mong isa kang mabuting kaibigan, tsaka para sa akin subjective yun. It's your friend who can tell.

Ano nga ba ako klaseng kaibigan?

1. Hindi ako clingy. As much as possible ayoko nagiging dependent sa kaibigan ko at ang kaibigan ko sa akin. Meron kasing friendship na demanding at natatakot ako sa ganoong klase. Madami kasi akong abandonment issues [Meredith Grey statue??] chovarloo.

2. I'm not always present. Hindi ako yung tipong andiyan all the time, may pagkakataong bigla akong naglalaho na parang kabute especially pag may mga bagay-bagay na mabibigat akong pinagdadaanan. I find solace on being alone sometimes, at akominsan ibinibigay ko sa kaibigan ko yung solace na hinahanap nila. Big fan ako ng SPACE chenilling na yan e.

3. Hindi ako yung tipo na pag nadapa ka e itatayo kita at ichecheer-up. Ako yung tipo ng itatayo ka sabay sermon sabay tawa.

4. Maaring hindi kita yakapin pag umiiyak ka at may mabigat na pinagdadaanan, minsan tapik lang sa balikat ang kaya kong i-offer at libreng softdrinks pag hindi ka na makahinga dahil barado na ng uhog ang ilong mo sa kakaiyak.

5. Hindi ako marunong ng BIG GESTURES, maliliit na bagay lang ang kaya kong gawin kasi yun ang alam kong kaya ko lang ibigay.

6. Hindi ako naniniwala sa konsepto ng BESTFRIEND, para kasi sa akin unfair i-label ang friendships to a certain degree.

Parang ang cold ko diba? But I cherish lahat ng uri ng friendships meron ako, kesehodang 5mins lang tayo nagkausap para sa akin may nabuo ng friendship, kung hindi man natin ma-sustain o maalagaan nandito na yun sa archive ng heart ko. Isa pa I don't close doors on friendships, magsasara na ako ng pinto sa lahat ng aspeto ng buhay pero hindi sa mga kumakatok para maging kaibigan ko.

Nalungkot naman ako bigla at na-miss ko ang old at not-so-old friends ko. Lalo pa at na LSS din ako sa UMBRELLA song kagaya ni goddess maru [na sana pumayag sa paggamit ko sa you tube video sa site niya].

Para sa lahat ng friends at future friends ko:

When the sun shines, we’ll shine together
Told you I’ll be here forever
Said I’ll always be a friend
Took an oath I’m stick it out till the end
Now that it’s raining more than ever
Know that we’ll still have each other
You can stand under my umbrella
You can stand under my umbrella…

Mamimiss ko ang Nomadic Thoughts, ang blog na nagpagising sa pagkakaisa ng mga OFW's at Pinoy laban sa Mahaderang Matapobreng Malu Fernandez. Ang blog na sumasalamin sa ideyalismo at hinaing ng masang Pilipino. Pero hindi naman ibig sabihin nito susuko na ang palaban sa dilang palaban kong parekoy sa laban.

Ano pa hinihintay ninyo? I-update na ang mga links at tuloy ang pinipilit hadlangan na ligaya.

A NOMAD'S JOURNEY

http://joselgonzales.wordpress.com