Sila ang puwersang tuwirang dumudurog sa mga ahente ng imperyalismo sa Pilipinas, lalong-lalo na sa imperyalismong kano; nagsusulong sila ng isang matagalang digmang bayan para sa pambansang kalayaan, pambansang demokrasya, at sosyalistang pagbabago.

NDFP 12 Point Program Part 1 of 2

NDFP 12 Point Program Part 2 of 2

(pinagmulan: monkeysmashesheaven.wordpress.com)

Isinulat ni kasamang Lin Biao nuong 1965, Ang Mabuhay ang Tagumpay ng Digmang Bayan! ay isa sa pinakamahalagang rebolusyonaryong basahin ng ating panahon. Isinusulong nito ang pandaigdigang pagsusuri at stratehiya kung saan ang proletaryo at ang mga kaalyado nito, na lubusang pumapaloob sa Ikatlong Daigdig, kubkubin at durugin ang Unang Daigdig. Ang pandaigdigang kanayunan ang siyang kukubkob at dudurog sa pandaigdigang kalunsuran, sa isang rumaragasang baha ng digmang bayan:

Mula pa nuong Pangalawang Digmaang Pandaigdig, ang imperyalismong Amerikano ay lantaran nang isinusuksok ang sarili nito sa kalagayan ng Aleman, Hapones, at Italyanong Pasismo, at matagal na nitong sinusubukang magtayo ng isang malaking Amerikanong Empiryo sa pamamagitan ng pagdodomina't pangbubusabos sa buong daigdig. Aktibo nitong ipinatupad ang militarismong Hapon at Aleman upang gamitin bilang pangunahing pundasyon para sa pagpapalaganap ng giyera. Tulad ng isang mabangis na hayop, ito ay nanlulupig at nangbubusabos ng kung anu-anong bayan, inaagaw ang kanilang mga kayamanan, nakikialam sa kanilang mga usaping pangkalooban, at bumababoy sa kanilang pambansang kasarinlan. Ito ang pinakamabagsik na manlulupig sa kasaysayan ng tao, at ito ang pinakamabagsik na pangunahing kaaway ng mamamayan ng daigdig. Lahat ng mamamayan o bansa sa daigdig na naglalayon ng rebolusyon, kalayaan, at kapayapaan, ay mapipilitang itutok ang kanilang mga sandata sa imperyalismong Amerikano.

Tulad ng patakaran ng mga imperyalistang Hapones na kontrolin ang buong Tsina, ang sambayanang Tsino ay nakabuo ng isang malawakang nagkakaisang prente laban sa kanila, kaya ang patakaran ng mga imperyalistang Amerikano na sakupin at dominahin ang buong daigdig, ang siyang nagpupursige sa mamamayan ng daigdig na ipagkaisa ang lahat ng puwersang pwedeng ipagkaisa, at bumuo ng isang malawakang nagkakaisang prente para sa isang salubungang pagatake sa imperyalismong Amerikano.

Sa kasalukuyan, ang mga pangunahing lugar kung saan nagaganap ang mabagsik na labanan sa pagitan ng mamamayan ng daigdig, at ng imperyalismong Amerikano kasama ang mga alipores nito, ay ang malawak na kalupaan ng Asya, Aprika, at Latin Amerika. Sa daigdig bilang kabuuan, ito ang lugar kung saan pinakamatindi ang paghihirap ng mga tao mula sa pangbubusabos ng mga imperyalista, at kung saan pinakabulnerable ang paghahari ng mga imperyalista. Mula pa nuong Pangalawang Digmaang Pandaigdig, marami nang rebolusyonaryong bagyo ang dumaraan dito, at ngayon, sila ang naging pinakamahalagang puwersa na tuwirang dumudurog sa imperyalismong Amerikano. Ang kontradiksyon sa pagitan ng rebolusyonaryong mamamayan ng Asya, Aprika, Latin Amerika, at ng mga imperyalistang pinangungunahan ng Estados Unidos, ang siyang pangunahing kontradiksyon sa kontemporaryong daigdig. Ang pagdebelop sa kontradiksyon na ito ay siya ring pagpapalaganap sa pakikibaka ng mamamayan ng daigdig laban sa imperyalismong Amerikano at sa mga alipores nito.

Marami pa mula sa Mabuhay ang Tagumpay ng Digmang Bayan!:

Tanawin natin ang buong daigdig; kung ang Hilagang Amerika at ang Kanluraning Yuropa ay pwedeng tawagin na “ang mga kalunsuran ng daigdig”, kung gayon, ang Asya, Aprika, at Latin Amerika ang kumukumpuni sa “ang mga kanayunan ng daigdig”. Mula pa nuong Pangalawang Digmaang Pandaigdig, ang rebolusyonaryong proletaryong pakikibaka sa maraming kadahilanan ay naantala sa loob ng Hilagang Amerika at sa loob ng mga Kanluraning kapitalistang bansa sa Yuropa, habang ang mga rebolusyonaryong kilusan sa Asya, Aprika at Latin Amerika ay ibayong lumalawak at lumalakas. Kung sa bagay, ang kontemporaryong pandaigdigang rebolusyon ay isinasalarawan din ang paglibot sa kalunsuran mula sa kanayunan. Sa huling pagsusuri, ang buong landas ng pandaigdigang rebolusyon ay nakasalalay sa mga rebolusyonaryong pakikibaka ng mamamayang Asyano, Aprikano, at Latinong Amerikano na siyang kumakatawan sa nakakarami sa populasyon ng daigdig.

Ang nakakamanghang adaptasyon sa pelikula ni Shubel Morgan sa mga gawa ni Lin Biao, ay isang mahalagang hakbang sa muling pagpapasigla sa rebolusyonaryong kilusan. Tuwirang gumagamit ang bidyu na ito ng mga katagang galing kay Lin Biao. Ang buong gawa ni Lin Biao ay naka-link sa wikang Ingles at Pranses. Kinakailangang mapag-aralan natin ang mahalagang rebolusyonaryong gawa na ito.

Mabuhay ang Tagumpay ng Digmang Bayan! - Lin Biao, Unang sugnay:

Mabuhay ang Tagumpay ng Digmang Bayan! - Lin Biao, Pangalawang sugnay: